Bundesliga៖ ក្លិប Schalke នៅលីគកំពូលអាល្លឺម៉ង់ បានត្រៀមចំណាយថវិកាដើម្បីផ្ទេរខ្សែការពារ Sead Kolasinac ពីក្លិប Arsenal យកទៅកាន់ទឹកដី Veltins-Arena វិញ។
មុនមកដល់ Arsenal កាលពីឆ្នាំ២០១៧ កីឡាករវ័យ២៧ឆ្នាំរូបនេះ បានចំណាយពេល៥រដូវកាល ជាមួយក្លិប Schalke ដោយបានបង្ហាញខ្លួន ១២៣ដង និង រកបាន៤គ្រាប់។
ការពិភាក្សារវាង Arsenal និងក្លិប Schalke នេះ បានកើតមានរួចហើយ ស្របពេលគ្រូបង្វឹក Arsenal លោក Mikel Arteta ទទួលបានការណែនាំឱ្យកាត់បន្ថយការចំណាយ។
លោក Arteta បានលើកពាន FA Cup ហើយមានមហិច្ឆតាកាន់តែខ្លាំងឡើងហើយថា លោកអាចនាំភាពជោគជ័យសម្រាប់ក្លិបនេះបាន។ ប៉ុន្តែលោកត្រូវតែធ្វើការសម្រេចចិត្តថា តើកីឡាកររូបណាដែលលោកត្រូវរក្សាទុក ហើយកីឡាកររូបណាដែលលោកត្រូវជម្រុះចោល។
Sead ចង់វិលត្រឡប់ទៅប្រទេសអាល្លឺម៉ង់វិញ ជាទីដែលរូបគេនឹងចំណាយពេលពេញមួយអាជីព ដោយហេតុផលផ្ទាល់ខ្លួន។ ទោះបីជាយ៉ាងណា ក្លិប Arsenal នៅមានជម្រើសច្រើនទៀត៕
