ភំ្នពេញ៖ នៅវេលាម៉ោង១៩:០០នាទី នាល្ងាចថៃ្ងទី២៥ ខែកញ្ញា ឆ្នាំ២០២០ សមត្ថកិច្ច បានទទួលព័ត៌មានពីប្រជាពលរដ្ឋថា បានប្រទះឃើញបាវគីបខោអាវចំនួន១ ដោយសង្ស័យមានលាក់ទុកគ្រឿងញៀននៅក្នុងនោះ។
បន្ទាប់ពីទទួលបានព័ត៌មាន កម្លាំងនគរបាលនៃអធិការដ្ឋាននគរបាលខណ្ឌបឹងកេងកង បានចុះទៅដល់កន្លែងកើតហេតុ ហើយបានធ្វើការឆែកឆេរក្នុងបាវនោះ រកឃើញក្រាមពណ៌សថ្លាចំនួន ២០កញ្ចប់ សង្ស័យជាគ្រឿងញៀន ដាក់ក្នុងទ្រុងដែក ចំនួនពីរ។
ករណីនេះ នៅចំណុចមុខផ្ទះលេខ ៣៥១ ផ្លូវលេខ២៨៦ ក្រុម18 ភូមិ៣ សង្កាត់អូឡាំពិក ខណ្ឌបឹងកេងកង រាជធានីភ្នំពញ។ បន្ទាប់ពីការត្រួតពិនិត្យឆែកឆេរ វត្ថុតាងទាំងអស់ សមត្ថកិច្ចបានបញ្ចូនទៅរក្សារទុកនៅការិយាល័យប្រឆាំងគ្រឿងញៀននៃស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តតាមផ្លូវច្បាប់៕
